TED BİLİK olsimpiada hazırlığı dərslərinə harada qoşulmaq olar?

1. Ölkənin hər yerindən onlayn olaraq;
2. Üzbəüz olaraq Bakı ofisində:
   Ünvan: Zahid Xəlilov 41, BDU əsas çıxışı ilə üzbəüz
3. Üzbəüz olaraq Sumqayıt ofisində:
   Ünvan: Sülh küçəsi, 34-cü məhəllə, Mərkəzi bazarın yanı, 506 saylı aptekin yaxınlığı

 

TED Bilik adı nə anlam Daşıyır?

• TED – Təhsil, Elm, Dəyər sözlərinin baş hərfləridir.
• Bilik – bu kəlmə kursun Bilik Tədris Mərkəzinin bir hissəsi olduğunu ifadə edir.

 

Bilik Tədris Mərkəzi hansı yönlərdə çalışır?

 

Bilik Tədris Mərkəzi – 20 illik uğurlu təcrübəyə malikdir və aşağıdakı istiqamətlərdə fəaliyyət göstərir:

• YÖS, SAT
• IELTS, TOEFL, ümumi ingilis dili
• DİM imtahanlarına hazırlıq
• Riyaziyyat, Calculus
• GRE, GMAT
• TYS

Həmçinin xaricdə təhsil mərkəzimiz mövcuddur:

Türkiyə, ÇİN, Koreya, Avropa, Amerika və s. ölkələrinin universitelərinə qəbul prosesində yardımçınız oluruq.

 

TED Bilik informatika hazırlığı müəllimləri kimlərdir?

Bizdə yalnız ciddi uğurları olmuş, Respublika və Beynəlxalq olimpiadalarda iştirak etmiş keçmiş olimpiadaçılar dərs deyir.

 

TED Bilik infiormatika hazırlığı dərs proqramı necə qurulub?

 İnformatika Olimpiadası Hazırlığı üçün aşağıdakı siniflərə şagird qəbul edirik:

1. Sıfırdan başlayanlar üçün İ1 sinfi

C++ dili ilə kodlaşma dərsləri, sadə əmr və alqoritmlərin öyrənilməsi və tətbiqi

1. İlkin səviyyə hazırlıq üçün İ2 sinfi

kodlaşmanı bilən və az təcrübəsi olanlara yönəlik dərslər: vacib alqoritmlərin öyrədilməsi və

1. Güclülər liqasına hazırlıq üçün İ3 sinfi

 irəli səviyyə üçün dərslər

Dərslərin proqramı tanınmış olimpiadaçı, MİT məzunu AbutalıB-Barış Namazov  tərəfindən tərtib olunub. Proqram dünyanın ən yaxşı təcrübələri əsasında hazırlanıb. Daim  yenilənir.

 

TED Bilik informatika olimpiadası  hazırlığında həftədə neçə dərs olur?

Həftədə 3 gün hazırlıq təşkil olunur:

• 2 dəfə – hər biri 1 saat 30 dəqiqəlik dərs;
• 1 dəfə – yarış/çalışma dərsi.

Dərslər həm Respublika Fənn Olimpiadaları, həm də beynəlxalq olimpiadalar hədəflidir.
Şagirdlər əlavə olaraq onlayn beynəlxalq yarış platformalarına da təşviq edilir.

 

TED Bilik informatika hazırlığı niyə C++ dili üzərində qurulur?

Digər proqramlaşdırma dilləri daha az sürətlidir və bəzən düzgün yazılmış kod belə vaxt limitini aşıq, nəticədə həll düzgün sayılmır.

 C++ isə sürətli və resurs baxımından optimal olduğu üçün dünya üzrə olimpiadalarda ən çox istifadə olunan dildir.

Hansı siniflərdən  TED Bilik informatika hazırlığına qoşulmaq olar?

• Hətta 10-cu sinifdə başlayıb medal qazanan şagirdlərimiz var – onlarla şəxsən danışmaq istəsəniz, əlaqə yarada bilərik.
• 5-ci sinifdən etibarən dərslərə qoşulanlar da mövcuddur.
• Ən yaxşı başlama mərhələsi 6, 7 və 8-ci siniflər hesab olunur – bu zaman rəqiblərdən geri qalmadan başlanır.
• 9-cu sinifdə başlayanlar çoxdur və uğur qazanırlar, amma daha intensiv çalışmalı olurlar.

 

İnformatika olimpiadası hazırlığı dərslərinə ödəniş nə qədərdir?

Ödəniş məbləği haqqında ətraflı məlumat almaq üçün bizim kurslarla birbaşa əlaqə saxlamanızı tövsiyə edirik. Bunun üçün:

• Telefonla zəng edə bilərsiniz
• E-mail vasitəsilə yaza bilərsiniz
• Və ya ofislərimizə yaxınlaşıb menecer komandamızla birbaşa tanış ola bilərsiniz

Əlaqə vasitələri və ofis ünvanları ilə bağlı məlumat saytda və ya sosial media səhifələrimizdə yerləşdirilmişdir.

 

İnformatika olimpiadası medalı şagirdə nə qazandırmış olur? Universitetə imtahansız qəbul olunurlarmı?

İnformatika olimpiadacıları üçün əsas məqsəd müxtəlif informatika yarışlarında və olimpiadalarda uğur qazanmaq, medal sahibi olmaqdır. Bu medallar həm şəxsi  nailiyyətdir, həm də şagirdin akademik və karyera yolunda real üstünlüklər yaradır.

Azərbaycanda informatika üzrə Respublika və Beynəlxalq olimpiadalarda medal qazanan şagirdlər ali məktəblərə imtahansız qəbul hüququ əldə edirlər. Eyni zamanda, bu medallar şagirdin xaricdəki top universitetlərə qəbul şansını xeyli artırır. Bir çox tanınmış universitetlər, xüsusən də texnologiya sahəsində lider olanlar, bu cür nailiyyətləri qəbul zamanı mühüm göstərici kimi dəyərləndirirlər.

 

Hədəfi medal olmayan informatika olimpiadacıları da varmı?

Bəli, belə şagirdlər var və bu heç də nadir hal deyil. Onlar artıq yüksək akademik nəticələrə malikdir, lakin informatika olimpiadasına qatılmaqda məqsədləri medal yox, alqoritmləri və proqramlaşdırmanı dərindən öyrənməkdir.

Bu şagirdlər universitetə başladıqda digərlərindən xeyli öndə olmaq, dərsləri asanlıqla mənimsəmək və fakültədə seçilən tələbələrdən olmaq istəyirlər. Eyni zamanda, gələcəkdə proqramlaşdırma sahəsində nüfuzlu şirkətlərdə işləmək hədəfləri var.

Çünki böyük şirkətlərin işə qəbul imtahanlarında çox vaxt olimpiada səviyyəli suallar verilir. Olimpiada hazırlığı olanlar bu sınaqları daha rahat keçir və peşəkar dünyaya inamla daxil olurlar.

Beləliklə, olimpiada hazırlığı yalnız medal yox, həm də universitet və karyera üçün möhkəm təməldir.

Universitet tələbələri bizim informatika hazırlığına qoşulurlar mı?

Bəli, siniflərimizdə həmişə universitet tələbələrinə rast gəlinir. Onlar proqramlaşdırma və alqoritmləri olimpiada səviyyəsində daha dərindən öyrənmək üçün hazırlığımıza qoşulurlar. Bu tələbələr kodlaşdırmanın ən mürəkkəb mərhələlərini aşmağa çalışır və əksəriyyəti etiraf edir ki, TED Bilik dərslərindən sonra universitet dərslərində daha irəli gedir və üstün nəticələr göstərirlər.

 

Orta məktəb informatika müəllimləri TED Bilik kurslarında informatika olimpiadası hazırlığına qatılırlarmı?

Bəli, belə hallar mövcuddur və ildən-ilə artır. Məktəb müəllimlərimizin çoxu təhsil aldıqları dövrdə olimpiada və proqramlaşdırma yarışları ilə yaxından tanış olmayıblar. Bu səbəbdən onlar öz biliklərini genişləndirmək, praktiki təcrübə qazanmaq və gələcəkdə şagirdlərini olimpiadaya hazırlamaq məqsədilə bu dərslərə qoşulurlar.

TED Bilik kursları müəllimlər üçün həm şəxsi inkişaf, həm də peşəkar hazırlıq baxımından real imkan yaradır. Bir çox müəllimlər bu hazırlıqdan sonra artıq öz məktəblərində informatika olimpiadası hazırlığı dərslərinə başlayır və nəticə əldə edirlər.